शिवसेना आमदार रविंद्र वायकर यांच्या हस्ते जोगेश्वरीतील आकर्षक ‘वाहतूक बेट’ व ‘आय लव जोगेश्वरी’ सेल्फी पाॅईंटचे लोकार्पण

शिवसेना आमदार रविंद्र वायकर यांच्या हस्ते जोगेश्वरीतील आकर्षक ‘वाहतूक बेट’ व ‘आय लव जोगेश्वरी’ सेल्फी पाॅईंटचे पार पडले लोकार्पण विविध नाविन्यपुर्ण संकल्पना राबवून जोगेश्वरी विधानसभा क्षेत्राच्या सौंदर्यात अधिकाधिक भर घालून जोगेश्वरीचे सौंदर्य खुलवून विभागातील विविध पर्यटन क्षेत्रात वाढ करणाऱ्या जोगेश्वरी विधानसभा क्षेत्राचे शिवसेनेचे आमदार रविंद्र वायकर यांच्या संकल्पनेतून तसेच माजी मंत्री व शिवसेना नेते आदित्य ठाकरे यांनी भूमिपूजन केलेल्या शामनगर तलाव येथे उभारण्यात आलेल्या आकर्षक ‘वाहतुक बेटा’चे लोकार्पण आमदार वायकर यांच्या हस्ते रविवारी पार पडले. यावेळी माजी नगरसेविका विभाग संघटक साधना माने, विधानसभा संघटक विश्वनाथ सावंत, नगरसेवक बाळा नर, महिला विधानसभा संघटक रचना सावंत, शालिनी सावंत, विधानसभा समन्वयक भाई मिर्लेकर, बावा साळवी, उपविभागप्रमुख कैलाशनाथ पाठक, जितेंद्र वळवी, बाळा साटम, डाॅ.अमेय पोतनीस शाखाप्रमुख संदिप गाढवे, मंदार मोरे, बाळा तावडे, प्रदीप गांधी, नितीश म्हात्रे, नंदू ताम्हणकर प्रियंका आंबोळकर, दिपाशा पवार, समिक्षा माळी, रश्मी गोडांबे, नानी नरवणकर, आदि पदाधिकारी व शिवसैनिक मोठ्या प्रमाणात उपस्थित होते.