अजित पवार गटाने घेतली शरद पवारांची भेट

मुंबई – राष्ट्रवादीतील फुटीनंतर अजित पवार गट सतत सामील झाला त्यानंतर आज प्रथमच अजितपवर गटाचे सर्व नेते शरद पवारांच्या भेटीला गेले होते त्यात ९ मंत्र्यांचाही समावेश होता . या भेटीत अजित पवार गटाने राष्ट्रवादी एकसंघ ठेवण्याची पवारांना विनंती केली पण पवारांनी नकार दिल्याचे समजते पवारांच्या भेटीनंतर फुटीर गटाच्या नेत्यांनी सांगितले कि आज आमचे दैवत शरद पवार यांचे आशीर्वाद घेण्यासाठी अजित पवार, धनंजय मुंडे, छगन भुजबळ, दिलीप वळसे-पाटील, हसन मुश्रीफ, सुनिल तटकरे यांच्यासह हे सर्व नेते वाय बी चव्हाण सेंटरला वेळ न मागता संधी साधून आलो. आम्ही शरद पवारांच्या पाया पडून त्यांचे आशीर्वाद मागितले आणि त्यांना विनंती देखील केली. आमच्या मनात त्यांच्याबद्दल आदर आहेच, तसेच राष्ट्रवादी पक्ष एकसंध कसा राहू शकतो, याबद्दल त्यांनी योग्य विचार करावा आणि मार्गदर्शन करावे, असी विनंती देखील केली. यावर शरद पवारांनी कुठलीही प्रतिक्रिया दिली नाही. त्यांनी शांतपणे सगळं ऐकून घेतलं असेही प्रफुल्ल पटेल म्हणाले.