पनवेल- इनरव्हील क्लब ऑफ पनवेल इडस्ट्रीयल टाउनचा पदग्रहण सोहळा

पनवेल दि. १८ जुलै – इनरव्हील क्लब ऑफ पनवेल इंडस्ट्रीयल टाउन चा पदग्रहण सोहळा शनिवार दिनांक – ९ जुलै रोजी पनवेल येथे सामाजिक कार्यकर्त्या प्रा. वृषाली मगदूम यांच्या अध्यक्षतेखाली व District ESO शोभना पालेकर यांच्या प्रमुख उपस्थितीत संपन्न झाला. मावळत्या अध्यक्षा वृषाली सावळेकर यांनी आपल्या गतवर्षीच्या कार्यकाळातील कामाचा आढावा सादर केला व नूतन अध्यक्षा कल्पना नागावकर यांना अध्यक्ष पदाची सूत्रे सोपवून त्यांना शुभेच्छा दिल्या. डीस्ट्रीकट चेअरमन मुक्ती पानसे यांनी व्हिडीओ द्वारे नवीन टीम ला शुभेच्छा दिल्या. यावेळी दहा नवीन सभासदांना क्लब चे सदस्यत्व देण्यात आले. नवीन टीम मधील व्हाईस प्रेसिडेंट नीता बोराडे, सचिव सई पालवणकर, कोषाध्यक्ष शुभदा भगत, आय. एस. ओ. पल्लवी मुनोत, एडिटर शीतल गायकवाड, Club Correspondent ज्योती गुंदेचा कार्यक्रमास हजर होत्या. या वर्षीच्या वर्क वंडर्स या थीम ला अनुसरून समाजातील आर्थिक दृष्ट्या दुर्बल घटकांच्या वैद्यकीय सेवेच्या कार्यक्रमावर भर दिला जाणार आहे. त्यात महिला व पौगंडावस्थेतील मुलींच्या हिमोग्लोबिन वाढीसाठी, कॅन्सर या जीवघेण्या आजारावरील प्रतिबंधासाठी जनजागृती तसेच महिला स्वावलंबी होण्यासाठी जास्तीत जास्त काम करण्याचा मानस असल्याचे नूतन अध्यक्षा कल्पना नागावकर यांनी मनोगत व्यक्त करताना सांगितले. पदग्रहण सोहळ्याच्या वेळी महिलांची हिमोग्लोबिनची तपासणी करण्यात आली.