सी सी डी येल तर्फे क्रिकेट सामन्यांचे आयोजन : सेलिब्रेटी मराठी अभिनेते आपापसात लढणार

मुंबई :  पैशासाठी तर सर्वचजण क्रिकेट खेळतात, पण तुम्ही कधी सेलिब्रिटींना एखाद्या सामाजिक कार्यासाठी निस्वार्थ भावनेने क्रिकेट खेळताना पाहिले आहे का? सेलिब्रिटी म्हटलं की ते एखाद्या कार्यक्रमासाठी लाखभर रुपये सुपारी म्हणून घेतात असा जनसामान्यांचा गैरसमज असतो. परंतु हाच गैरसमज खोडून काढत आपल्या लाडक्या मराठी कलाकारांनी एक कौतुकास्पद पाऊल उचलले आहे.

३ स्टार इंटरटेनमेंट आणि राशी स्टुडिओ प्रस्तुत आणि मॅजेस्टिक एअरवेस प्रायव्हेट लिमिटेड आयोजन करत आहे… CCDL . या सेलिब्रिटी क्रिकेट डोनेशन लीगमध्ये अनेक मराठी अभिनेते सहभागी होणार आहेत. एकही रुपये मानधन न घेता या कार्यक्रमातून मिळणारे पैसे मदतनिधी म्हणून बालकाश्रमांना देण्यात येणार आहेत.  

    संजय खापरे, कमलेश सावंत,  विजय पाटकर, अंशुमन विचारे, अंगद म्हसकर, प्रभाकर मोरे, सुदेश म्हशीलकर, जयवंत भालेकर, अतुल आगलावे, कैलास वाघमारे, अंकुर वधावे, प्रणव रावराणे, ओम जंगम, नयन जाधव, कांचन पगारे, संदीप जुवेटकर, महेश कोकाटे, आनंद मयेकर, जयवंत वाडेकर, दिगंबर नाईक अभिजित चव्हाण, अनिकेत केळकर, सनी मुणगेकर,असे एकाहून एक सरस अभिनेते खेळणार आहेत 

      ज्या ज्या संस्था लहान मुलांच्या शिक्षणाची तरतूद करतात आशा लाभार्थी संस्थांना यातून मदत दिली जाणार आहे. त्या पैकी नमस्ते फाउंडेशन ,फॅमिली होम,तर्पण फाउंडेशन, मंगेश भगत प्रतिष्ठान अशा संस्था आहेत. ५ ओव्हरच्या या  खेळल्या जाणाऱ्या या सामन्याचे थेट प्रक्षेपण यु ट्यूब आणि इन केबल चॅनल वर लाईव्ह दाखवले जाणार आहे . कोविडच्या नियमाचे सर्व प्रकारे पालन करून हे सामने होणार आहेत त्यामुळे या सामन्यासाठी प्रेक्षक उपलब्ध असणार नाहीत. 

 विजेत्या संघास आकर्षक ट्रॉफी आणि सर्व खेळाडू आणि मान्यवरांना सन्मानचिन्ह आणि प्रमाणपत्र देण्यात येणार आहेत. हे सर्व सामने दादर पूर्व येथील पुरंदरे मैदानावर होणार  आहेत.  २५ नोव्हेंबर  रोजी सकाळी ९ ते संध्याकाळी ६ वाजेपर्यंत खेळवले जाणार आहेत.