आज सीमावादावर सर्वोच्च न्यायालयात सुनावणी दोन्ही राज्यांच्या सीमेवर तणाव

मुबई/ आज महाराष्ट्र कर्नाटक सीमा वादावर सर्वोच्च न्यायालयात महत्वपूर्ण सुनावणी आहे या पार्श्वभूमीवर महाराष्ट्र कर्नाटकच्या सीमा भागात तणावाचे वातावरण आहे . काल महाराष्ट्र कर्नाटक पोलिसांची एक संयुक्त बैठक पार पडली यात कायदा आणि सुव्यवस्थेला कुठूनही अडचण येणार नाही यासाठी कोणते प्रयत्न करायला हवेत यावर चर्चा झाली . त्याच बरोबर महाराष्ट्र कर्नाटक सीमेवर दोन्हीकडच्या पोलिसांचा कडक बंदोबस्त असणार आहे . खास करून महाराष्ट्रातील शिवसेनेच्या नेत्यांवर पोलिसांची नजर असेल काही दिवसांपूर्वी कर्नाटकचे मुख्यमंत्री बोंमयी यांनी सांगली जिल्ह्यातील 42 गावांवर तसेच सोलापूर अक्कलकोट येथील कानडी भाषिक गावांवर आपला हक्क सांगितला होता तेंव्हापासून तणाव निर्माण झाला आहे .